Tuestako eliza Araban erromanikotik gotikorako trantsizio garaiko ordezkaria da.

Eliza XIII. mendean eraikitzen hasi zen absidearekin, bost atal eta leiho erdizirkularrak dituena. Absidea Elías maisuaren lana da, baita nabea ere, absidearen giltzarrian dagoen inskripzioak adierazten duen bezala, egileak sinatutako erromaniko lan gutxietako bat dena.

Ataria da bere ezaugarririk nabarmenenetako bat. Arku zorrotza du, zazpi arkibolta historiaturekin, markoek eusten diotenak, eta albo bakoitzean sei zutabe, beste bik indartuta. Aingeru, gizaki, piztia eta munstro, hegazti eta landare sail bat agertzen da, fededunei mezuak helarazteko hainbat narrazio osatuz. Multzoa Deikundearen eta Magoen Adorazioari buruzko eskultura gotiko independenteek koroatzen dute.

Erretaula nagusia XVI. mendearen amaierakoa da, eta tailua Valpuestako bizilagun Bartolomé de Anguloren lana da. Polikromia garai berantiarrekoa da (1650-1671). Beste elementu artistiko garrantzitsu bat bataio-pontea da, Erdi Arokoa.